قلت لك ياقلب لاتامن غريب.....ليش تحرقني معاك وتحترق
بهالزمن ينساك حتى اقرب قريب.....الوفا في هالزمن حبر وورق
انا مو اول ولا اخر حبيب.....في النهاية مع حبيبه يفترق
من متى صابت معي حتى تخيب.....البخت وياي ماعمره صدق
من يداوي جرحي اللي مايطيب.....من يرداللي من ايامي انسرق
البحر عالي وفي صمته رهيب.....والا قلبك مايخاف من الغرق
الغريب اني وانا بجنبك غريب.....لو نحاول نتفق مانتفق
ايه ياقلبي معه مالك نصيب.....من فراقه لاتشب وتحترق
كيف اصير الجرح واصير الطبيب.....لو سكت الجرح في عيوني نطق
ماتغيب الشمس لو عني تغيب.....لو اموت الفين مره واختنق!!!!
الإثنين يونيو 02, 2008 12:06 am